113 nömrəli marşrutda 15 min manat dəyərində qızıl-zinət əşyaları oğurlayan şəxs saxlanılıb - VİDEO

Avtobuslarda cibgirliklə məşğul olan şəxslər tutularaq istintaqa cəlb edilib.

 

Bu barədə RePost.Az-a Daxili İşlər Nazirlyindən məlumat verilib. Məlumata əsasən, saxlanılan şəxslərdən Xalidə Hüseynova paytaxtın Nizami rayonunda 113 nömrəli marşrutda 3 min manata yaxın pul, 15 min manat dəyərində qızıl-zinət əşyaları, Fərid Səfərovla Elçin Hacıyevin isə Nərimanov və Nəsimi rayonlarında avtobuslarda müxtəlif məbləğlərdə pul və mobil telefonlar oğurlayıblar. 

 

Polis tərəfindən bir neçə şəxsin, o cümlədən, 3 min manata yaxın pul, 15 min manat dəyərində qızıl-zinət əşyalarının və mobil telefonların satıldığı ünvanlar müəyyən edilərək sahibinə qaytarılması təmin edilib. 

 

Onların əməllərindən zərərçəkən başqa vətəndaşlar varsa bu barədə Daxili İşlər Nazirliyinin sosial şəbəkələrdəki rəsmi səhifələrinə, Bakı Şəhər Baş Polis İdarəsinə və "102" Xidməti-Zəng Mərkəzinə məlumat verə bilərlər.