Digər Xəbərlər
Antoni Blinken : “Yaxın həftələrdə Azərbaycan Zəngəzuru işğal edə bilər”
ABŞ dövlət katibi Antoni Blinken amerikalı senatorlarla söhbəti zamanı bildirib ki, yaxın həftələrdə Azərbaycanın Ermənistanın Sünik bölgəsini işğal etməsi ehtimalı çox yüksəkdir. Bu barədə "politico.com" saytı məlumat yayıb...
Antoni Blinken onu da vurğulayıb ki, Amerika Qarabağdan ermənilərin köçünə görə Azərbaycanı cəzalandırmaq istəyir və ABŞ Azərbaycana hərbi yardımı davam etdirmək fikrində deyil.
Söhbət Amerikanın Azərbaycana hər il etdiyi 100 milyon dollarlıq hərbi yardımdan gedir. Bu həm də o deməkdir ki, 1992-ci ildə erməni lobbisinin təşəbbüsü ilə ABŞ Konqresi tərəfindən "Azadlığa Dəstək" Aktına qəbul edilən 907-ci düzəliş-Azərbaycana Amerikanın birbaşa dövlət yardımını yasaqlayan düzəliş-yenidən qüvvəyə minə bilər...
Xatırladım ki, 907-ci düzəliş AXC zamanında qəbul olunub. Düşünün ki, ermənilər o vaxt Azərbaycan ərazilərini işğal edirdi və Amerika Konqresi işğalçı erməniləri yox, işğala məruz qalan Azərbaycanı cəzaladırdı. Yəni Amerika demokratiyası bu qədər eybəcər bir şeydir...
"Politico.com" saytı İlham Əliyevin aşağıdakı fikrini də xatırladır: "Biz Zəngəzur dəhlizini Ermənistan istəsə də, istəməsə də açacağıq"...
Bu ayın sonunda Brüsseldə Ermənistan və Azərbaycan rəhbərliyinin görüşü gözlənilir. Bu görüşdə də Ermənistan Zəngəzur dəhlizi məsələsinə razılıq verməsə, Azərbaycan hərəkətə keçə bilər. Bu ehtimal o qədər realdır ki, ABŞ dövlət katibi belə bu barədə açıq mətnlə danışır...
Amerika Dövlət Departamenti məlujmatı təkzib edib. Qeyd edilib ki, Blinken sögüdən mətbuata müsahibə verməyib.
Elbəyi Həsənli, Sürix
Baxış sayı: 5005 | Tarix: 14.10.2023
Bizi Telegramda izləyin: @repostaz
