Digər Xəbərlər
İlham Əliyev ilə Şarl Mişel arasında görüş olub - FOTO
Dekabrın 14-də Brüsseldə işgüzar səfərdə olan Azərbaycan prezidenti İlham Əliyev ilə Avropa İttifaqı Şurasının prezidenti Şarl Mişel arasında görüş olub.
RePost.Az xəbər verir ki, Ş.Mişel dövlət başçısı İlham Əliyevi qarşıladı.
Sonra birgə foto çəkdirilib.
Görüşdə Avropa İttifaqı ilə Azərbaycan arasında əlaqələrin uğurla inkişaf etdiyi qeyd olunub. Şarl Mişelin Azərbaycana səfəri xatırlayıb. Avropa İttifaqının Ermənistanla Azərbaycan arasında münasibətlərin normallaşdırılması istiqamətində dəstəyi vurğulanıb. Prezident İlham Əliyev bu məsələlərə verdiyi töhfəyə görə Şarl Mişelə təşəkkürünü bildirib.
Eyni zamanda, bu gün Avropa İttifaqı, Azərbaycan və Ermənistan arasında keçiriləcək üçtərəfli görüşə dair fikir mübadiləsi aparılıb.
Söhbət zamanı, həmçinin Ermənistan-Azərbaycan sərhədinin delimitasiyası və demarkasiyası ilə bağlı məsələlər müzakirə olunub. Eyni zamanda, kommunikasiyaların açılması, humanitar xarakterli məsələlər və digər mövzular ətrafında geniş fikir mübadiləsi aparılıb.
Baxış sayı: 3922 | Tarix: 14.12.2021
Bizi Telegramda izləyin: @repostaz
