Bu mövsüm Avropanın aparıcı çempionatlarında oynayan futbolçulardan ən çox kobudluğa Neymar məruz qalıb.

RePost.Az goal.az-a istinadən xəbər verir ki, "Barselona"nın braziliyalı ulduzuna qarşı Primerada 99 dəfə qayda pozulub. İkinci yerdə "Çelsi"nin yarımmüdafiəçisi Eden Hazardır. Rəqiblər onun qarşısını 75 dəfə kobudluqla alıblar. Sonrakı yerdə 50 dəfə qayda pozuntusuna məruz qalan Lionel Messidir.

İngiltərə Premyer Liqasında 2014/15 mövsümündən aparılan qayda pozuntularının statistikası Hazarın 258 dəfə qayda pozuntusuna məruz qaldığını göstərir. O, "Kristal Pelas"dan Uilfrid Zaha (210) və "Liverpul"un hücumçusu Sadyo Maneni (195) qabaqlayır.


Baxış sayı: 3447 | Tarix: 15.03.2017
Bizi Telegramda izləyin: @repostaz