Dünya futbolsevərlərinin həyacanla gözlədiyi Dünya çempionatının püşkatma mərasimi sabah keçiriləcək. RePost.Az Fanat.Az-a istinadən xəbər verir ki, mərasimi fanatlara veteran futbolçu Hari Linekerlə rus idman jurnalisti Mariya Komandnaya təqdim edəcək.
 
Pşükatma mərasimi yaxınlaşarkən iranlı futbol azarkeşlərinin də narahatlıqları artır. Mərasimi İranda dövlət televiziyası İRİB yayımlacaq. Ölkədəki yayım qaydalarına əsasən qadınlar efirə yalnız qapalı geyimlərdə çıxabilər və paltarlar istənilən qədər qapalı olmadığı halda yayım dayandırılır.
 
Bu səbəbdən iranlı azarkeşlər püşkatmanı izləyə bilməməkdən qorxur. Artıq iranlı fanatlar sosial media vasitəsi ilə Mariya Komandnayaya mesaj yazaraq açıq-saçıq geyinməməyi xahiş edirlər.
 
Qeyd edək ki, Almaniyada keçirilən “DÇ-2006″nın püşkata mərasimi zamanı alman model Heydi Klumun paltarı, Braziliyada baş tutan “DÇ-2014″ün püşkatması zamanı isə samba rəqqasları səbəbindən İranda yayım bir neçə dəfə kəsilmişdi.
 
RePost.Az

Baxış sayı: 3219 | Tarix: 30.11.2017
Bizi Telegramda izləyin: @repostaz