Xırdalanda partlayış - ölən və yaralananlar var - SİYAHI (VİDEO)
Ötən gecə Xırdalanda evdə baş verən partlayışın təfərrüatları bəlli olub.
RePost.Az bildirir ki, hadisə Xırdalan şəhəri 27-ci məhəllədə baş verib.
Qaz sızmasından baş verən partlayışdan sonra evdə yanğın başlayıb. Zərbənin təsirindən yaxınlıqdakı çoxmərtəbəli binaların mənzillərinin şüşələri sınıb.
Xırdalandakı partlayışda yaralananların şəxsiyyəti də artıq dəqiqləşib.
Ələzova Simayə Mövlud qızı - 1968 ci il təvəllüdlü
Şükürzadə Xədicə Bəxtiyar qızı - 2006-cı il təvəllüdlü
Musayev Vusal Firudin oğlu - 1983-cü il təvəllüdlü
Musayev Firudin Vusal oğlu - 2009-cu il təvəllüdlü
Əliyev Emil Arif oğlu - 1989-cu il təvəllüdlü
Hüseynov Arif Əbülfəz oğlu - 1988-ci il təvəllüdlü
Fövqəladə Hallar Nazirliyi Xırdalanda baş verən partlayışla bağlı son vəziyyəti açıqlayıb.
***
RePost.Az-ın nazirliyin saytına istinadən verdiyi xəbərə görə, Abşeron rayonu, Xırdalan şəhəri, 27-ci məhəllə adlanan ərazidə yerləşən və partlayış nəticəsində uçqun baş vermiş ikimərtəbəli fərdi yaşayış evində Fövqəladə Hallar Nazirliyinin qəza-xilasetmə qüvvələri tərəfindən axtarış-xilasetmə əməliyyatı davam etdirilir.
Xəbər verildiyi kimi, FHN-in xilasedicilərinin operativ müdaxiləsi və peşəkar fəaliyyəti nəticəsində dağıntı altından 6 nəfər vətəndaş xilas olunub, 1 nəfərin cəsədi çıxarılaraq aidiyyəti üzrə təhvil verilib.
Ümumilikdə, əməliyyata Nazirliyin Xüsusi Riskli Xilasetmə Xidmətindən 228 nəfər şəxsi heyət, 19 ədəd texnika və 4 xüsusi təlim keçmiş it, Dövlət Yanğından Mühafizə Xidmətindən 20 nəfər şəxsi heyət və 3 ədəd texnika cəlb olunub.