Türkiyəyə müalicəyə gedən xalq artisti Naibə Allahverdiyeva Azərbaycana qayıdıb.
 
RePost.Az xəbər verir ki, "Elgizlə izlə" proqraqmına açıqlama verən aktrisa ötən həftə İstanbulda baş verən zəlzələdə vəziyyətinin pisləşdiyini bildirib:
 
"Bir də onu gördüm ki, yer ayağımın altından bir sağa getdi, bir sola. Dedim bəlkə qan təzyiqim qalxıb? Qorxdum. Gördüm yox, çılçıraq da yellənir. 
 
Yerimdə donub qaldım, tərpənə bilmədim. Şoka düşdüm. Əsəb sistemim zəifdir axı. Yoldaşım gəlib əlimdən tutub, "Naibə, qorxma" dedi. O sözdən sonra özümdən getmişəm.
 
Ayılanda başımın üstündə insanlar var idi, mənə su verib, özümə gətirirdilər. Ayağa durandan sonra gördüm ki, bütün millət küçələrdədir. İnanın, hələ də şok vəziyyətdəyəm. Onsuz da vəziyyətim yaxşı deyildi. Özümdə deyiləm, elə bilirəm, hər an zəlzələ olacaq".  
 


Baxış sayı: 4758 | Tarix: 04.10.2019
Bizi Telegramda izləyin: @repostaz