Digər Xəbərlər
Türkiyə parlamenti Azərbaycana hərbi qüvvələr göndərilməsini təsdiqlədi
Türkiyə Böyük Millət Məclisi Azərbaycana hərbi qüvvələr göndərilməsi ilə bağlı qanun layihəsini təsdiqləyib.
RePost.Az xəbər verir ki, layihə parlamentin bu gün keçirilən iclasında müzakirə olunub və qəbul edilib.
İclasa TBMM-in sədr müavini, Xalqların Demokratik Partiyasından (HDP) olan deputat Nemətulla Ərdoğmuş rəhbərlik edib.
Xatırladaq ki, Türkiyə Azərbaycana hərbi qüvvə göndərəcək. Ölkənin Prezident Administrasiyası bununla bağlı qanun layihəsi hazırlayıb.
Layihəyə əsasən, Türkiyə hərbçiləri 1 il müddətinə Dağlıq Qarabağdakı Rusiya-Türkiyə Birgə Monitorinq Mərkəzində fəaliyyət göstərəcəklər.
Hazırda isə Türkiyə prezidenti Rəcəb Tayyib Ərdoğanın rəhbərliyi altında Beştepede hökumətin iclası keçirilir. Toplantıda Azərbaycanla Ermənistan arasında əldə olunmuş atəşkəs razılaşması, o cümlədən Türkiyənin Azərbaycana hərbi qüvvə göndərməsi əsas müzakirə mövzusudur.
Baxış sayı: 3067 | Tarix: 17.11.2020
Bizi Telegramda izləyin: @repostaz
