Digər Xəbərlər
Azərbaycan yığmasının DÇ-2024-dəki rəqibləri bəlli olub
Futzal üzrə DÇ-2024-ün Avropa zonası üzrə əsas seçmə mərhələsinin püşkü atılıb.
Mübarizəyə bu mərhələdən start verəcək Azərbaycan millisinin rəqibləri müəyyənləşib.
Reytinq cədvəlində 7-ci pillədə məskunlaşdığı üçün püşkatma zamanı 1-ci səbətdə yer alan yığmamız 6-cı qrupa düşüb. Joze Alesio da Silvanın yetirmələri Polşa və Yunanıstanla mübarizə aparacaq.
Qeyd edək ki, DÇ-2024-ün əsas seçmə mərhələsinə sentyabrın 12-də start veriləcək. Oyunlar ev-səfər prinsipi ilə keçiriləcək. 12 qrup qalibi və ikinci pillədə yer alan komandalar arasında ən yaxşı göstəriciyə malik 4 milli birbaşa elit-raunda yüksələcək. Qalan 8 qrup ikincisi isə pley-off oyunlarında üz-üzə gələcək.
Baxış sayı: 4758 | Tarix: 07.07.2022
Bizi Telegramda izləyin: @repostaz
