Türkiyə Ordusu Afirini mühasirəyə alır

Türkiyə Silahlı Qüvvələri Afrin qəsəbəsinin mühasirəyə alınması əməliyyatına start verib. Türkiyə mətbuatının məlumatına görə, bununla da "Zeytun budağı" əməliyyatının ikinci mərhələsinə başlanır. 

 

Plana əsasən əvvəlcə Afrini Tel Rıfatla birləşdirən xətt nəzarət altına alınacaq. Quru əməliyyatı zamanı silah səslərinin PYD/YPG terrorçularının məxsus silah səslərinə qarışmaması üçün xüsusi tədbirlər görülür. Bundan başqa rabitə təchizatı da diqqətlə yoxlanılır. Afrinin mərkəzi və yaxın ətrafı 14 bölgəyə ayrılıb. Bundan məqsəd dörd tərəfdən həyata keçiriləcək hücum zamanı dinc sakinlərə zərər dəyməməsi və terrorçuların qəsəbədən çıxmaq istəyən insanların arasına sızmasının qarşısını almaqdır.

 

Bu günə qədər aparılan kəşfiyyatlar PYD/YPG-nin Afrinin mərkəzində 114 mühüm mövqeyinin olduğunu ortaya qoyub.  Türkiyə Suriya sərhədinə yeni tank birləşmələri toplayır. Tanklar artıq Hatayın Kırıkhan qəsəbəsi yaxınlığındadır. Birliklər Suriya sərhədini keçmək üçün əmr gözləyir.

 

RePost.Az